ازم آزاتیءِ - میرمحمدحُسین عنقا

ھمائی لوپ، لوپءَشادہ ءِ پُلّیں تگردے گیج
ءُ سُجدگ ھرپڑے ءَ شوکءِپیشانیءَپرمائیں

درا دیم ءَ ئےبچکند ءِ پری ءَ لیب داران ءَ
او نازینک ءِ سروز ءِ تار تار ءَ نرم ءُ وجّائیں

پہ وش آتکءَئےدیم ھونی بکن دْرسیں پدی رنجاں
چہ دیمءَئےراہءِدنزاں گوں مھرءِاَتراں شُودائیں

ھمےسرمالیں کُربانی ءِ ھرھرچیدگ ءِچَکّ ءَ
کتابی ئین وپایانی چراگان ءَ بہ "لگائیں"

گُلامیءِدْرائیں ویلانی کْوھنیں کسّھانءَبل
بہ زیرائیں کتابءَ جند ءِ بھتءِ ءُ بِہ لکّائیں

ماں ھرھونڈےکہ دْروہءِبیت، مارےبےکُشگ نیل ئے
ماں ھرھندےبدیں شویانءَسسّیءَرا بچّائیں

ماں ھرداماں کہ زُلمءِکلّرےگندئےبہ روسین ئے
ماں ھر کوہءَکہ آپےبیت انساپءِبہ کشّائین

مہ ڈکّ نِی دولتءَشُت ڈنگ کوھانءَبگْوش عنقا
بہ گْوش نود گْواریں آزمان ءَ جنّت آرائین