مبارک کازی
مبارک کازی ءَ 24دسمبر 1956 ءَ پسنی ءِ یک نیکراهی لوگے ءَ وتی چم پچ کتگ اَنت.
آئی ءَ وتی بنگیجی وانگ داں ده جماهت ءَ گورنمنٹ هائی اسکول پسنی ءَ دربرتگ ءُ ونتگ سال 1972 ءَ میٹرک ءَ پد آ گوں مزنیں واهگ ءُ مرادے ءَ گیشتریں وانگ ءُ زانگ ءِ هاتر ءَ کراچی ءَ ماں Sindh Muslim College ءَ داکل ءَ زرت، بلئے آ وہد ءِ زلم ءُ زوراکیانی آسر بوت کہ مبارک انجینئرے جوڑ بوهگ ءَ پیسر چہ وانگ ءُ زانگ ءَ دزکش بوت ءُ وتی پِت ءِ کار ءُ بیپار ءَ دزکمک بوت.
سال 1978 ءَ کازی یک رندے پدا پہ زانش ءُ زانت ءِ دربرگ ءِ هاتر ءَ کراچی ءَ شت. آئی ءَ انٹرکمبائنڈ پرائیوٹ ءِ چکاس پاس کت ءُ بی اے ءَ اردو آرٹس کالج ءَ داکلہ زرت ءُ گوں ادبی سنگت ءُ دیواناں آئی ءِ هُب ءَ آئی ءَ را میزان میزان ءَ بلوچی ءِ هما نامانی تہا هوار کُت کہ بلوچی لبزانک ءِ کّواس ءُ زانتکار زانگ بنت،
سال 1983 ءَ کازی بی اے ءِ چکاس ءَ باج بر بوت چہ کراچی ءَ بی اے ءَ پد سال 1984 ء بلوچستان یونیورسٹی کویٹہ ءَ پہ ایم اے ءِ دربرگ ءَ شت، 1986 ء آئی ءَ میاں استمانی بزاں I.R ءَ ایم اے ءِ چکاس پاس کت ءُ وتی بنکی هند پسنی ءَ شت، پد ءَ هما شپ ءُ روچ هما سهب ءُ بیگاه هما بیل ءُ سنگت هما گپ ءُ دیوان برے شئیر ءُ دیوان، برے لبزانک ءِ سرا گپ......
اے وڑ ءَ کازی ءَ سال 1977 ءَ شائری ءِ پڑ ءَ گام ایر کتنت کازی ءِ شائری ءِ همک دستونک لچہ ءُ چاربند وتی جتائیں لزتے دار اَنت کازی هما شائر اِنت کہ آئی ءِ گیشتریں بہر گُشندهاں گُشتگ اَنت
کازی شائری ءِ یک مزنیں بہرے لبزانک ءُ شائری ءِ دوست داروکیں مردمانی دلاں زپت اَنت،
شائری ءِ تہا لبزانی سنگارگ ءُ لبزاں گوں لیب کنگ، ءُ لبزاں چہ راستیں ءُ هکّیں کارگرگ ارزان ایں کارے نہ انت، بلئے کازی لبزانی هک ءَ زانت ءُ وتی پرز ءَ هم،،،،،
وتی چاگرد ءِ هر همک تک ءُ پہنات ءُ هر همک کس ءُ مردم، درچک ءُ دار، ملکت ءُ مُرگ ءُ دلوت کوه ءُ گیابان ءِ درد ءَ ماریت ءُ کسہان اِش ماں شئرانی تہا زپت کنت ،
کازی ءِ چاپ بوتگیں کتاب
زرنوشت، شاگ ماں سبزیں ساوڑ ء، منی اہد ءِ گم ءِ کسہ ، هانی منی ماتیں وتن، مُرگ پہ کدوهاں رَپتگ اَنت، جنگل چنچو زیبا اِنت، چولاں دریا یل داتگ
آئی ءَ وتی بنگیجی وانگ داں ده جماهت ءَ گورنمنٹ هائی اسکول پسنی ءَ دربرتگ ءُ ونتگ سال 1972 ءَ میٹرک ءَ پد آ گوں مزنیں واهگ ءُ مرادے ءَ گیشتریں وانگ ءُ زانگ ءِ هاتر ءَ کراچی ءَ ماں Sindh Muslim College ءَ داکل ءَ زرت، بلئے آ وہد ءِ زلم ءُ زوراکیانی آسر بوت کہ مبارک انجینئرے جوڑ بوهگ ءَ پیسر چہ وانگ ءُ زانگ ءَ دزکش بوت ءُ وتی پِت ءِ کار ءُ بیپار ءَ دزکمک بوت.
سال 1978 ءَ کازی یک رندے پدا پہ زانش ءُ زانت ءِ دربرگ ءِ هاتر ءَ کراچی ءَ شت. آئی ءَ انٹرکمبائنڈ پرائیوٹ ءِ چکاس پاس کت ءُ بی اے ءَ اردو آرٹس کالج ءَ داکلہ زرت ءُ گوں ادبی سنگت ءُ دیواناں آئی ءِ هُب ءَ آئی ءَ را میزان میزان ءَ بلوچی ءِ هما نامانی تہا هوار کُت کہ بلوچی لبزانک ءِ کّواس ءُ زانتکار زانگ بنت،
سال 1983 ءَ کازی بی اے ءِ چکاس ءَ باج بر بوت چہ کراچی ءَ بی اے ءَ پد سال 1984 ء بلوچستان یونیورسٹی کویٹہ ءَ پہ ایم اے ءِ دربرگ ءَ شت، 1986 ء آئی ءَ میاں استمانی بزاں I.R ءَ ایم اے ءِ چکاس پاس کت ءُ وتی بنکی هند پسنی ءَ شت، پد ءَ هما شپ ءُ روچ هما سهب ءُ بیگاه هما بیل ءُ سنگت هما گپ ءُ دیوان برے شئیر ءُ دیوان، برے لبزانک ءِ سرا گپ......
اے وڑ ءَ کازی ءَ سال 1977 ءَ شائری ءِ پڑ ءَ گام ایر کتنت کازی ءِ شائری ءِ همک دستونک لچہ ءُ چاربند وتی جتائیں لزتے دار اَنت کازی هما شائر اِنت کہ آئی ءِ گیشتریں بہر گُشندهاں گُشتگ اَنت
کازی شائری ءِ یک مزنیں بہرے لبزانک ءُ شائری ءِ دوست داروکیں مردمانی دلاں زپت اَنت،
شائری ءِ تہا لبزانی سنگارگ ءُ لبزاں گوں لیب کنگ، ءُ لبزاں چہ راستیں ءُ هکّیں کارگرگ ارزان ایں کارے نہ انت، بلئے کازی لبزانی هک ءَ زانت ءُ وتی پرز ءَ هم،،،،،
وتی چاگرد ءِ هر همک تک ءُ پہنات ءُ هر همک کس ءُ مردم، درچک ءُ دار، ملکت ءُ مُرگ ءُ دلوت کوه ءُ گیابان ءِ درد ءَ ماریت ءُ کسہان اِش ماں شئرانی تہا زپت کنت ،
کازی ءِ چاپ بوتگیں کتاب
زرنوشت، شاگ ماں سبزیں ساوڑ ء، منی اہد ءِ گم ءِ کسہ ، هانی منی ماتیں وتن، مُرگ پہ کدوهاں رَپتگ اَنت، جنگل چنچو زیبا اِنت، چولاں دریا یل داتگ
