گُلامی عزابے ۔ حفصہ بلوچ
گُلامی عزابے
آ داں دیراں آزمان ءَ چارگ ءَ اَت، استال اَنت، باز استال ھمینچو کہ حساب نہ بنت
مرچی ماہ سکّ زیبا اِنت، نزاناں کہ ماہ ءَ چینچوک اِنت، استال ءُ ماہ چاران چاران ءَ مرچی اناگہ ءَ آئی ءَ وتی میتگ یات اتک کہ یک شپے انچو آ ڈن ءَ تھت سرا وپتگ ءُ آزمان ءَ چارگ ءَ اَت کہ شور ءُ شار بیت ۔
مات کُکار کنگ ءَ اِنت ءُ گریوگ ءَ اِنت
فوجی میتگ ءَ مان ریتکگاں .سجیں میتگ ءِ لوگاں دور کنگ ءَ اِنت ءُ پٹگ ءَ اَنت.
گشیت لتھیں سرمچار ھمدا اِنت. آ زمانگ ءَ من کسان اِتاں،
من نزانت کہ سرمچار چی یے ءُ اے فوجی چے شوھاز کنگ ءَ اَنت. بلئے مرچی انچو سال گوزگ ءَ رند من زاناں آ شپی فوجیاں منی ءُ سجیں میتگ ءِ غیرت پاد کُت ءُ شتاں
نی ما زانیں کہ گلامی چی یے ۔
مرچی اے مردم کہ ریاست دیم ءَ چو کوہ ءَ مِک اَنت اے اَسلہ ھمے گلامی ءِ زند ءَ چو من ءَ رستگیں چُک اَنت ۔
حفصہ بلوچ
