Family Planning نبشتہ کار: ازرائیل یوزُلَر - رجانکار: رُژنا بلوچ - ھشتمی بھر

اے گپ ءَ پَد یک دراجیں ھاموشی ءِ بوت، ءُ ڈاکٹر ءَ وتی بیر گِرئگ ءِ واستہ نرس پرمات اَنت۔ نرس ءَ اے نیام ءَ جسٹس ءُ جیری ءِ ھون ءِ سیمل زُرت اَنت۔
"تو گڑا ھمے پیم کُتگ؟" جسٹس ءَ وتی جنین جُست کُت۔ نرس ءَ چُک ءِ ھون ءِ سیمل چہ ایشاں پیسر زُرتگ اَت۔ جیری ءِ ھم کہ ڈاکٹر ءِ ٹوھینگ ءَ پد زُرتگ اِتے۔ ھر نیمگ ءَ یک ھاموشی یے ءَ مان شانتگ اَت، جسٹس ایملیہ ءِ وارڈ ءَ نِشتگ بیتگ۔ آ انگت ءَ چُک ءِ پیداک کنگ ءِ درد ءُ دْوران اَت۔ ڈی این اے ٹسٹ ءُ اِندگہ جیڑہانی آیگ ءَ پَد وَ آ انچو مارگ ءَ اَت کہ کَسے آئی ءِ زِھمیگیں ٹَپّاں واد جَنَگ ءَ اِنت۔ آ دل ءِ تہا جیڑگ ءَ اَت کہ نی پہ چیر دیگ ءَ ھچ پَشت نہ کَپتگ۔ پمیشکہ برو درستیں راستی ءَ مرد ءَ بوگُش۔ اِیدا بازیں شائد ءُ ثبوت ھم آئی ءِ ھلاپ ءَ اَست اَنت، ءُ نی وتی جِند ءَ راست مَنّارینگ وھد ءِ زوالی یے۔
"ھئو من ھمے وڈ کُتگ۔" ایملیہ سَرّابِرّ ءَ اَت ءُ گُشئگ ءَ اَت۔ آ چہ مرد ءَ پَھِلی لُوٹگ ءَ ساڑی اَت بلے دماگی ھساب ءَ Torture  بیئگ ءَ اِنّاں۔ آ درد کہ چُکّ ءِ پیداک کنگ ءَ پَد آئی ءَ بیتگ اَنت آ زاناں کم بیتگاں؟ آئی ءِ ھیال سَک ھرابیں نیمگ ءَ رؤگ ءَ اَت کہ جسٹس آئی ءِ سؤناں دَنت۔ اے زند ءِ آسر وَ نہ اِنت۔ ایملیہ اے ھیالانی تہا گار اَت۔
"تو من ءَ چیا ریپینتگ؟" جسٹس ءَ جُست کُت۔ جسٹس سَکّیں کسان دِلیں مردمے آ زُوت Emotional بیت۔ انچوش کہ آ ھبر ءَ اَت، آئی ءِ چمّانی اَرس ھم رِچان اِتاں۔ آ سَک گریوگ ءَ اَت وارڈ ءِ تہا، ءُ آ لُوٹگ ءَ اَت کہ ایملیہ وتی کُتگیں رَدی ءَ بہ گیشّینیت ءُ وتا وتی پَلّامرزی ءَ چیزے بوگُشیت۔ ھمے ساھت ءَ جسٹس جیڑگ ءَ اَت کہ آئی ءِ جنین سَکّیں زُوراکے کہ آ ریپینتگے، اِشی ءَ ابید کہ مرد ءَ آئی ءِ آترا چے چے نکتگ۔۔۔
"تو گوں من دَگہ چیا کُت؟ من شرّیں مردے نہاں؟ ترا زاناں پریشانی یے بیتگ؟ ترا زَرّ ءِ کمّی بیتگ ہاسٹل ءَ ؟ اگاں من ترا دلگوش نداتگ؟ من ھر ھپتگ تئی کِرّ ءَ اتکگاں۔ ترا Emotional, Mental Sexual ءُ Financial کُمَک ھم کُتگ تئی وانگ ءَ۔ ترا منی تہا چے کمّی گندگ اتکگ کہ تو دِگہ مردینے شوھازاِتگ؟ تو گوں اے کسانیں بَچَک جیری ءَ من ءَ رَد چیا داتگ؟ من ءَ وَ لَگیت کہ اے رَد اِنت! تو من ءَ وجہ بوگش کہ تو منی گوما چیا چوش کتگ؟" جسٹس ءَ جُست کُت۔ آ انگت سَک گریوگ ءَ اَت۔ آئی ءَ وتی دست کِیسّگ ءَ مان کُت ءُ رومال کِش اِت، ءُ وتی ارس پَھک کُت اَنت۔
چوشیں ھچ وڈیں کارے نبیتگ کہ من تئی واستہ نہ کُتگ، من ترا پہ وانگ ءِ واستہ ہاسٹل ءَ ھم روان دیگ ءَ رازیگ بیتگاں۔ من ترا سِیر ءَ پَد تئی لاپُرّی ءِ واستہ ھم مکن کُت کہ تئی وانگ زوال بیت۔ من انگت لُوٹ اِتگ کہ تو شرّیں مردمے بہ بئے، گیشتر Productive بہ بئے۔ ھمے واستہ من رازیگ بیت آں کہ وتی مردینی آپاں پرٹیلائیزر ءَ جمیناں ءُ چُک ءِ واستہ ودار کناں۔ من چی رَدی کُتگ؟" جسٹس جُست ءَ اَت ، آئی ءِ توار ءِ تہا درد مان اَت۔
ایملیہ ھاموش اَت ءُ وتی مرد ءِ گَپاں گوشدارگ ءَ اَت۔ آ اے چیز ءَ شَر سرپد اَت کہ آئی ءَ وتی مرد ءَ گوں رَد کُتگ ءُ آئی ءِ مرد ءِ دل ءِ تہ سَک باز درد است آئی ءِ داتگیں۔ آئی ءَ اے چیز ماراِت کہ آئی ءِ مرد ءَ اے ساھت ءَ کسے ءِ زلُورت اِنت کہ آئی ءِ گپاں اِش بہ کَنت، آئی ءِ دلءِ درداں کم بہ کَنت، پمیشکہ آ ھاموش بیتگ، دانکہ آ وتی دل ءِ زَنگاں بہ ریچ اِیت۔ پدا آئی ءَ پیسلہ کُت کہ ھبر کناں، تھنا پَھِلی لُوٹگ ءِ واستہ اِنّاں، درستیں راستی ءَ مَنَّگ ئے ءُ آئی ءِ پَد ھرچ رنگیں جیڑہ ءِ دیمپان بوھگ ئے۔
"جَسٹس منی ارواہ!" ایملیہ ءَ گوں نرمیں توار ءَ بندات کُت ءُ وتی توارے بُرز کُت وھدے مرد ءِ جُستانی پَسّو دیگے بِندات کُت۔ آئی ءَ مرد توار پِر کُت, 'منی مرد' بلے آ اے ھبر ءَ دلجم نہ اَت کہ انگت آئی ءِ سانگ ھست انت اگاں پرشتگ۔(اینچوکیں راستی یے ءِ دیمپانی کنگ ءَ پَد)
"ھئو من تئی گوما رَد کُتگ، تو منی بابت ءَ ھرچ رَنگیں پیسلہے کن ئے من ءَ پہ سَر ءُ چم کبُول اِنت۔ من تئی گوما دَگہ کُتگ ءُ من گُشت ھم نکناں کہ چیا۔ اے یک بیکُوبیں رَدی یے بوتگ منی گوما کیمپس ءِ تہا۔ شاھدربرجاہ یک نوکیں دُنیائے ءُ نوکیں زندے۔ وھدے ھودا تو پاداں اِیر کن ئے گڑا تئی کِرّ ءَ بازیں چیز ءِ Space  است، ءُ اے چیز ءِ ھم کہ مردم لوگ ءَ بیھال بہ کنت۔ من ھمے جیڑاِتگ اَت کہ چیروکائی جیری ءَ گوں باں ءُ پدا ارزانی ءَ یلائے ھم دیاں۔ بلے گوں لاپُرّی ءَ من پَسّ اِتاں ءُ گِرھگ بیت آں۔" ایملیہ ءَ گُشت۔
"من باز چیز رَد کُتگ۔ وتی رازانی چیر ءُ اندر کنگ ءِ واستہ، من ڈاکٹر ءَ گوں شور بیتگاں، دانکہ آ منی لاپُرّی ءِ بابت ءَ دروگ بہ بندیت۔ راستی وَ ھمیش اِنت کہ منی ھچ وڈیں پرٹیلائیزیشن نبیتگ 9 ماہ ساری۔ من پیسرا چہ لاپُرّ بیتگ آں، جیری ءَ کُتگ۔ من ڈاکٹر ءَ زَرّ داتگ کہ دروگ بہ بندیت۔ بلے آئی ءَ پدا یکوئی زَرّ لُوٹ اِتگ۔ من اینچو زَرّ دات نہ کُتگ پمیشکہ من آ چِیست کنائینت۔ من جیری ءُ ایڈنہ ھم چِیست کنائینت اَنت چیا کہ اِشاں ھم تئی کِرّ ءَ آیگ لُوٹ اِتگ منی رازانی پاشک کنگ ءِ واستہ۔ بلے نی چیر دیگ ءِ واستہ ھچ پَش نہ کپتگ۔ من نزاناں اے ھبراں تو چے پیم اِش کنگ ءَ ئے بلے من ھرچی کُتگ من ءَ پَھِل بہ کن۔ من ٹُوھیں رَدی یے کُتگ۔ من زانتگ کہ تو اے راستی ءَ سرپد بہ بئے مئے سانگ ھلاس بیت۔ من پمیشکہ اے چیر داتگ بلے نی درست تئی دیما اَنت۔" ایملیہ ھیسکارگ ءَ اَت ءُ ھبر ءَ اَت۔ جسٹس ھم ھُشک ءُ ھیران اَت، ءُ اے ساھت ءَ چِیپّ ءَ موری یے مان شانتگ اَت۔ ھمے ساھت ءَ نرس وارڈ ءِ تہا اَتک آئی ءَ ڈی این اے رپورٹ گون اَت۔
"منی کِرّ ءَ وشّیں ھالے پہ شمئے واستہ۔" نرس بچکندگ ءَ اَت ءُ گُشئگ ءَ اَت۔ جسٹس ءُ ایملیہ ھیران بیت اَنت ءُ دلگوش ءَ گؤر کنگ ءَ لگ اِت اَنت۔ دوئیناں شرّی یے امیت نبیتگ۔
"چُک شمئیگ اِنت۔ منی متلب اِنت کہ چُک تئی اِنت واجہ جسٹس۔" نرس ءَ گُشت۔
ایملیہ سَک ھیران بیت ءُ ھبری نہ بیت۔
"نکن ئے! اے چوں بیت؟" جسٹس ءَ جُست کُت، آئی ءِ وشّی ءِ سیمسَر نبیتگ، گل ءَ چہ آ بال اَت۔ ایملیہ گریوگ ءَ بیتگ۔ ایملیہ گَل ھم بیتگ ءُ تُرسگ ءَ ھم بیتگ کہ نی آئی ءِ مرد گوں آئی ءَ چے کَنت۔
اگاں ھمے پیم اِنت گڑا مئے ھساب ءَ شمئے نسل بندی ءِ پروسیجر ءَ رَدی یے بیتگ۔ نسل بندی ءَ پَد ھم اے بیت کنت کہ تو وتی جنین ءَ لاپُرّ کُت کن ئے، چیا کہ اِیدا یک ٹیکنیکل رَدی یے بیتگ۔ ءُ مستریں ھبر اِش اِنت کہ تئی ڈی این اے گوں چُک ءَ Match بؤگ ءَ اِنت۔ مُراد بہ بیت!" نرس ءَ گُشت ءُ آ وارڈ ءَ چہ دَر اتک۔
ایملیہ تَھت ءِ کِرّ ءَ اُوشتات ءُ Reception  ءِ نیمگ ءَ رؤگ ءَ لَگ اِت، ھمودا کہ ڈاکٹر، ایڈنہ ءُ جیری اُوشتوک اِت اَنت۔
"بہ چار اِت! من ءَ پَھِل بہ کن اِت، ھرچی کہ من شمئے گوما کُتگ۔ من ءَ پَھِل بہ کن ئے ایڈنہ ءُ جیری، منی شمئے ھچ وڈیں تاوان دیگ ءِ ارادہ نبیتگ۔ من بس ھمے لُوٹ اِتگ کہ منی رازاں کَس سرپد مہ بیت۔ ڈاکٹر مھربانی بہ کن اِت، من ءَ پَھِل بہ کن ئے۔ منی ھیال ءَ مارا شمارا درستاں شرّیں سَبَکّے رَستگ۔" ایملیہ ءَ گُشت ءُ وارڈ ءَ شُت جسٹس ءِ کِرّ ءَ۔
"تو انگت من ءَ وتی جنین ءِ رنگ ءَ کبُول کن ئے؟" ایملیہ ءَ جُست کُت۔
"ھئو! بلے نی تو پدا ہاسٹل ءَ نروے، من زاناں اے یک رَدی یے بیتگ ءُ اگاں تو شاھدربرجاہ ءَ رؤگ لُوٹ ئے گڑا لوگ ءَ چے برو۔ ہاسٹل ءَ نندگ ءِ زلُورت نہ اِنت۔" جسٹس ءَ گُشت۔
"من ھرچی کُتگ آئی ءَ پَد ھم تو من ءَ دوست دار ئے؟" ایملیہ ءَ مرد جُست کُت۔
"ھئو من دوست داراں! من مردمے آں من زاناں کہ رَدی گوں مردم ءَ بیت۔"جسٹس ءَ پَسّو دات ءُ وتی جنین بَگَل ءَ کُتے۔ آ شُت وتی چُکّے بَڈّ ءَ کُت۔
یک روچے ءَ پَد، ایملیہ چہ نادرہ جاہ ءَ رزا دیگ بیت، ءُ گوں وتی مرد ءَ پہ وشّ ءُ ھیری لوگ ءَ شُت۔